Roman Sklıar John Deere kompanııasy ókilderimen kezdesý ótkizdi
ASTANA. KAZINFORM – Premer-mınıstrdiń birinshi orynbasary Roman Sklıar TMD elderi men John Deere kompanııasynyń Ortalyq Azııa boıynsha prezıdenti Chaba Leıkomen kezdesti.
Kezdesý barysynda lokalızatsııalaý baǵdarlamasy, servıstik qyzmetti damytý, jumys oryndaryn ashý, qazaqstandyq ınjenerlerdi oqytý, sondaı-aq Qazaqstannyń tehnıka men qosalqy bólshekterdi jetkizý boıynsha TMD elderine arnalǵan ortalyq logıstıka habyna aınalý múmkindigi talqylandy.
Joba Qostanaı qalasyndaǵy Lokalızatsııa ortalyǵy bazasynda júzege asyrylyp jatyr. Onyń aıasynda óndiris jáne qyzmet kórsetý salalarynda 350 jańa bilikti jumys ornyn ashý kózdelgen. Investıtsııa kólemi shamamen 25 mlrd teńgeni quraıdy. Qazaqstandaǵy resmı dıstrıbıýtor Eurasia Group úsh servıstik ortalyq salýdy jáne dálme-dál eginshilik, GPS-navıgatsııa, fermerlik sharýashylyqtar men servıstik ortalyqtarda avtomattandyrylǵan basqarý júıeleri sııaqty ozyq tehnologııalardy engizýdi josparlap otyr.
Kezdesý barysynda Roman Sklıar jańa óndiristiń iske qosylýy otandyq mashına jasaý salasynyń damýy men aýyl sharýashylyǵy sektoryna zamanaýı tehnologııalardy engizýdegi mańyzdy qadam ekenin atap ótti.
John Deere — aýyl sharýashylyǵy tehnıkasyn óndirý boıynsha álemdik kóshbasshy. Qazaqstanda onyń ónimderin lokalızatsııalaý salanyń damýyna serpin beretin mańyzdy kezeńi bolady.
John Deere brendimen shyǵarylatyn aýyl sharýashylyǵy tehnıkasy Qazaqstan naryǵynda ózin burynnan senimdi jaǵynan tanytyp úlgerdi jáne birneshe jyl boıy otandyq fermerler arasynda úlken suranysqa ıe bolýda. Keıingi jyldary elimizde agroónerkásiptik keshendi ındýstrııalandyrýda aıtarlyqtaı jetistikterge qol jetkizilip, zamanaýı óndiristerdi damytýǵa qajetti jaǵdaılar jasaldy. Osyǵan baılanysty John Deere Qazaqstan naryǵyna jańa mártebege ıe boldy, óz pozıtsııasyn nyǵaıtyp, aýyl sharýashylyǵyna arnalǵan tıimdi ınnovatsııalyq sheshimder usynyp keledi.
John Deere óndirisin lokalızatsııalaý Úkimettiń aýylsharýashylyq tehnıkasy parkin jańartý boıynsha sharalaryn nyǵaıtatynyn atap ótken jón.