Roman Sklıar GFR Syrtqy ister stats-mınıstrimen ne týraly sóılesti
ASTANA. KAZINFORM - Qazaqstan Respýblıkasy Premer-mınıstriniń birinshi orynbasary Roman Sklıar GFR Syrtqy ister mınıstrliginiń Eýropa boıynsha stats-mınıstri Gıýnter Krıhbaýmdy qabyldady, dep habarlaıdy Úkimettiń baspasóz qyzmeti.
Kezdesý barysynda taraptar saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqty nyǵaıtýdyń áleýeti men aǵymdaǵy jaǵdaıy týraly talqylady.
Sonymen qatar Qazaqstan men Germanııa arasyndaǵy dıalogti nyǵaıtýǵa baǵyttalǵan birlesken kúsh-jigerdi úılestirý máseleleri de qarastyryldy.
«Ortalyq Azııa – Germanııa» formaty jáne basqa da halyqaralyq alańdar sheńberinde tyǵyz yqpaldastyqty jalǵastyrýǵa daıyndyq quptaldy.
Germanııa dıplomaty jyly qabyldaý úshin alǵysyn bildirip, eki el arasyndaǵy áriptestikti odan ári nyǵaıtý maqsatynda bar kúsh-jigerin salýǵa daıyn ekenin rastady.
Aıta keteıik, osyǵan deıin Roman Sklıar sıngapýrlyq kompanııa ókilderimen Pavlodar oblysynda ónerkásip parkiniń qurylysyn talqylaǵan bolatyn.
