Roman Sklıar GFR bıznesmenderimen kezdesti
NUR-SULTAN. QazAqparat - Osy jyldyń 20 qańtarynda Germanııa Federatıvtik Respýblıkasynyń Dortmýnd qalasynda Qazaqstan Respýblıkasy Premer-Mınıstriniń orynbasary Roman Sklıardyń nemis bıznesiniń ókilderimen kezdesýi ótti.
Kezdesýge 40-tan astam nemis kompanııalarynyń basshylary qatysty, dep habarlaıdy QR Úkimetiniń baspasóz qyzmeti.
«Ekijaqty qarym-qatynas tájirıbesi Germanııanyń senimdi seriktes ekenin kórsetedi. Biz bir orynda turmaımyz jáne sizben birge barlyq baǵyttar boıynsha yntymaqtastyqty keńeıtý jáne damytý úshin jańa múmkindikter tapqymyz keledi. Qazaqstanda german kapıtalynyń qatysýymen 1000-nan astam kásiporyn jumys isteıdi», - dep atap ótti R. Sklıar óz sózinde.
Úkimet basshysynyń orynbasary eki el arasyndaǵy serpindi bıznes-yntymaqtastyqty damytý múmkindikterine, nemis ınvestıtsııalaryn tartýǵa, ónerkásip, energetıka, aýyl sharýashylyǵy salalaryndaǵy birlesken jobalardy júzege asyrý jónindegi naqty máselelerdi talqylaýǵa jáne Qazaqstan ekonomıkasy úshin asa mańyzdy baǵyttarǵa toqtaldy.
