Roman Sklıar Eýropalyq bıznes qaýymdastyǵy ókilderimen kezdesti
NUR-SULTAN. QazAqparat - Premer-Mınıstrdiń orynbasary Roman Sklıar Eýropalyq bıznes qaýymdastyǵynyń ókilderimen kezdesý barysynda eldiń qolaıly ınvestıtsııalyq ahýaly týraly aıtyp, ınvestorlarǵa ekonomıkanyń túrli sektorlarynda: týrızm, tsıfrlyq ekonomıka, densaýlyq saqtaý, ınfraqurylym jáne taǵy basqa salalarda jańa múmkindikter berý máselelerin talqylady. QazAqparat bul týraly primeminister.kz saıtyna silteme jasap habarlaıdy.
Kezdesýde Qazaqstan ekonomıkasynyń 2019 jyly 4,5% óskeni, al shıkizattyq emes sektorǵa sapaly sheteldik ınvestıtsııalardy tartý QR Úkimetiniń basym mindetteriniń biri ekeni atap ótildi.
Óz kezeginde sheteldik delegatsııanyń basshysy Iohan Vanderplaetse ‒ Eýropalyq bıznes qaýymdastyǵynyń basqarma tóraǵasy, Reseı men TMD-daǵy Schneider Electric prezıdenti álemdegi energııa tutynýdyń ózgermeli qurylymy aıasynda Qazaqstan ekonomıkasyn ártaraptandyrý máseleleriniń ózektiligin atap ótti.
Sonymen qatar bıznes ókilderi Indýstrııa 4.0, jasyl ekonomıka, turaqty damý, QR-daǵy elektr kóligi ınfraqurylymyn, onyń ishinde tehnologııalar transferti jáne jergiliktendirý arqyly qoldaý boıynsha memlekettik baǵdarlamalar men bastamalarǵa qatysý múmkindigin qarastyrdy.
