Roman Sklıar ekinshi AES venderi týraly: Kúzge qaraı belgili bolady

ASTANA. KAZINFORM — Premer-mınıstrdiń birinshi orynbasary Roman Sklıar Táýelsizdik saraıyndaǵy «Ortalyq Azııa-Qytaı» sammıtiniń kýlýarynda Qazaqstanda salynýy múmkin ekinshi atom elektr stansasynyń venderi qashan anyqtalatynyn aıtty.

— Ekinshi AES týraly ne aıtasyz? Kim salady, quny qansha bolady? Alańy tańdaldy ma, — dep surady BAQ ókilderi.

Vıtse-premer ol sheshimniń bári kúzge qaraı shyǵady degen boljam aıtty.

— Kúzde dep oılaımyn. Bul máseleni sonsha sozbaıtyn shyǵarmyz. Sondyqtan kúzge qaraı naqty tsıfrlar, qandaı da bir derekter belgili bolatyn shyǵar. Bálkim odan erte bolýy múmkin. Stansa salynatyn alańnyń máselesi de sol kezde belgili bolatyn shyǵar, — dedi Roman Sklıar.

Sondaı-aq, tehnıkalyq-ekonomıkalyq negizdeme men joba ázirlenbeı turyp, eki AES-tiń de naqty qunyn eshkim aıta almaıtynyn jetkizdi.

Buǵan deıin Atom energetıkasy jónindegi agenttik tóraǵasy Almasadam Sátqalıev Qazaqstan ekinshi AES salatyn konsortsıýmnyń tizginin Qytaıǵa berýge nıetti ekenin aıtqan. 

Biraq keıin ekinshi AES-ti Qytaı salatyndyǵyna qatysty túpkilikti sheshim qabyldanbaǵanyn málim etti.