Roman Sklıar Ekibastuzdaǵy PIK jumystarynyń kemshiligin atady
«Ekibastuzda 20-30 úıdi qamtıtyn páter ıeleriniń kooperatıvteri bar. Olarda sanaýly ǵana santehnık jumys isteıdi. Іshki qubyrlar qatyp qalmas úshin sýdy tógý týraly komanda berilgende olardyń keıbiri úlgerdi, endi keıbiri jumysty oryndap úlgermedi. Al qazir olar bul komanda ýaqytyly berilmegenin aıtyp otyr.
Keıbir úılerde bul jumysty turǵyndardyń ózi istedi. ıAǵnı, olar jertólege baryp, sýdy aǵyzyp jiberdi. Mundaı úılerdi biz bir kún ishinde jylý jelisine qostyq. Biraq keıbir úıler boıynsha arnaıy brıgadalar barlyq toǵyz qabattaǵy qubyrlar men jylý radıatorlaryn aýystyrdy. Bul – óte aýyr eńbek», - dep toqtaldy vıtse-premer.
Roman Sklıar endi PIK-ter tótenshe jaǵdaıdyń qalaı joıylǵany men kommýnaldyq qyzmetterdiń qalaı áreket etkeninen tıisti qorytyndy jasaýy kerektigin aıtty.
«Men bul keshenderdiń turǵyndaryn kinálamaımyn. Tek olarǵa tıisti qorytyndy jasap, menshik ıeleri birlestikteriniń nemese PIK jumysyn retteý qajettigin aıtamyn. Árbir úıde ınjenerlik jelilerdiń jaı-kúıin biletin santehnık bolýy kerek jáne olar apat bolǵan jaǵdaıda dereý áreket etip, durys sheshim qabyldaýy tıis. PIK-ter tótenshe jaǵdaıdyń qalaı joıylǵanynan, kommýnaldyq qyzmeterdiń qalaı áreket etkeninen tıisti qorytyndy jasaýy kerek», - dedi Roman Sklıar.
Suhbat barysynda vıtse-premer qaladaǵy jaǵdaı týraly áleýmettik jelilerde taraǵan jalǵan aqparatqa ergenderge qatysty oıyn bildirdi.
Eske salaıyq, 27 qarashada Ekibastuz jylý elektr ortalyǵynda apat bolyp, qala turǵyndary jylýsyz qaldy. Qalada oqýshylar onlaın oqýǵa kóshirildi.
28 qarasha kúni tańerteń qalada jergilikti aýqymdaǵy tótenshe jaǵdaı jarııalandy.
30 qarashada Ekibastuzǵa Premer-Mınıstr Álıhan Smaıylov baryp, kináliler jaýapqa tartylatynyn aıtty.
Apat sebebi retinde jylý jelileriniń tozýy, jylý ortalyǵy basshylyǵynyń nemquraılylyǵy men ınvestıtsııalardyń jetkiliksizdigi ataldy.
Memleket basshysynyń tapsyrmasy boıynsha Premer-Mınıstrdiń birinshi orynbasary Roman Sklıar qalalyq jylý jelilerindegi apattyń saldaryn joıý jónindegi jumystar aıaqtalǵansha Ekibastuzda bolatyny habarlandy.
7 jeltoqsanda Prezıdent Qasym-Jomart Toqaev Ekibastuzdaǵy jóndeý jumystarynyń barysy týraly Premer-Mınıstrdiń baıandamasyn tyńdady.
8 jeltoqsanda Prezıdenttiń qabyldaýynda bolǵan Pavlodar oblysynyń ákimi Asaıyn Baıhanov jylý júıelerin qalpyna keltirý jumystary 15 jeltoqsanǵa deıin aıaqtalatynyn aıtty. Osy kúni Ekibastuz qalasynan tótenshe jaǵdaı rejımi alyndy.
Foto Valerııa Býgaeva ı Esenjola Isabeka