Roman Sklıar Ekibastuzda qazandyqtardyń isten shyǵýy jıilep ketkenin aıtty
«Jaqynda úkimettik komıssııa Ekibastuzda boldy. Jaǵdaı kúrdeli. Byltyr jelilerdegi apat stantsııanyń jumysyn teńgerimsiz etti. Eger buryn qazandyqtardyń ýaqytsha toqtap qalýy aptasyna 1-2 ret bolsa, qazir 1,2 nemese 3 qazandyq kúnde isten shyǵady. Osy oraıda olardy shuǵyl túrde qalpyna keltirý jumystary atqarylyp jatyr. 2022 jyly bul jumystarmen 15 adam aınalyssa, qazir jóndeý jumystaryna 130 adam jumyldyrylǵan. Olar basqa uıymdardan tartyldy», - dedi R. Sklıar Senattaǵy parlamenttik tyńdaýdan keıin tilshiler suraǵyna jaýap bere otyryp.
Onyń aıtýynsha, qazir eki aýysymǵa 65 adamnan jumysqa shyǵyp jatyr.
Budan buryn hahabarlanǵandaı, 11 aqpan kúni Premer-Mınıstrdiń birinshi orynbasary Roman Sklıar Ekibastuzǵa jumys saparymen bardy.
R. Sklıardyń talabymen «Pavlodarenergo» AQ bas dırektory jumysynan bosatyldy.