Roman Sklıar Atyraý oblysyndaǵy «Qurmanǵazy» ótkizý beketine bardy

ATYRAÝ. QazAqparat - Premer-Mınıstrdiń orynbasary Roman Sklıar Atyraý oblysyna jumys sapary aıasynda «Nurly jol» baǵdarlamasynyń ınfraqurylymdyq jobalaryn júzege asyrý barysymen tanysty, dep habarlaıdy QazAqparat primeminister.kz silteme jasap.

Roman Sklıar jáne Atyraý oblysynyń ákimi Mahambet Dosmuhambetov Qurmanǵazy aýdanyna bardy. Munda vıtse–premer «Qurmanǵazy» ótkizý beketiniń jumysyn jáne respýblıkalyq mańyzy bar «Aqtóbe ‒ Atyraý ‒ RF shekarasy» avtojoly qurylysynyń barysyn tekserdi.

«Qurmanǵazy» avtomobıl ótkizý beketi 2004 jyly kópjaqty qarym-qatynas ornatý úshin ashyldy. Táýlik saıyn RF shekarasy arqyly eki jaqqa 4000-ǵa jýyq adam men 1 200 kólik ótedi.

Vıtse-premer nysandy tekserýdi qorytyndylaı kele, qurylysty ýaqytyly ári sapaly aıaqtaý boıynsha mindetter júktedi.