Roman Sklıar asyl tuqymdy maldyń ımporty týraly aıtty
«Asyl tuqymdy mal sharýashylyǵyn qoldaý jeńildetilgen sharttarmen kredıt berý tetikteri arqyly da, sýbsıdııalaý arqyly da júzege asyrylady. Atap aıtqanda, satyp alynǵan asyl tuqymdy janýarlardyń qunyn jáne selektsııalyq asyl tuqymdyq jumystardy júrgizýge arnalǵan shyǵyndardy arzandatýdy sýbsıdııalaý quraldary arqyly tómendetý, bul rette satyp alynǵan otandyq maldyń da, sheteldik maldyń da quny sýbsıdııalanady», - delingen Úkimet basshysy orynbasarynyń depýtattar saýalyna bergen jaýabynda .
Onyń aıtýynsha, taýarlyq jáne asyl tuqymdy maldyń ımporty otbasy úlgisindegi keńeıtilip kele jatqan shaǵyn jáne orta fermerler klasyn malmen qamtamasyz etýge arnalǵan.
«Sheteldik selektsııanyń asyl tuqymdy ІQM asyl tuqymdyq basyn ákelýdi sýbsıdııalaý esebinen búgingi kúni asyl tuqymdy mal basynyń úlesi aıtarlyqtaı artyp, ІQM jalpy basynyń kórsetkishi joǵaryda kórsetilgen 12,5%-dy qurady», - dedi R. Sklıar.
Aıta keteıik, Premer-mınıstrdiń orynbasary elimizdegi asyl tuqymdy mal basynyń sanyna qatysty túsinik berdi. Búgingi kúni asyl tuqymdy maldyń úles salmaǵy ósýiniń oń serpini saqtalýda. Mysaly, eger 2010 jyldyń 1 qańtaryna sharýashylyqtyń barlyq sanattaǵy asyl tuqymdy iri qara maldyń sany 344,1 myń bas bolsa nemese asyl tuqymdy maldyń jalpy mal basyna shaqqandaǵy úles salmaǵy 2,9% qurasa, 2021 jyldyń 1 qańtaryna sharýashylyqtyń barlyq sanatyndaǵy asyl tuqymdy ІQM sany 978,6 myń basty qurady nemese asyl tuqymdy maldyń jalpy mal basyna shaqqandaǵy úles salmaǵy 12,5%-ǵa deıin ósti. Onyń ishinde negizgi mal basy qazaqtyń aqbas jáne áýlıekól tuqymdaryna tıesili.
Budan buryn habarlanǵandaı, Májilistiń jalpy otyrysynda depýtat Amanǵalı Berdalın elimizdiń klımat ereksheligine beıimdelgen otandyq asyl tuqymdy mal sapasyn arttyrý máselesin kóterip, depýtattyq saýalyn Premer-Mınıstriniń orynbasary Roman Sklıarǵa joldady.
