Roman Sklıar Astanada salynyp jatqan Ulttyq sport ýnıversıtetiniń qurylysymen tanysty
ASTANA. KAZINFORM — QR Premer-mınıstriniń birinshi orynbasary Roman Sklıar Astanada salynyp jatqan Ulttyq sport ýnıversıtetiniń qurylys barysymen tanysty. Nysannyń qurylysy bıyl jyl sońyna deıin aıaqtalady dep josparlanǵan. Bul týraly Úkimet málim etti.
Nysan sport salasyndaǵy eń iri ınfraqurylymdyq jobalardyń biri sanalady jáne kópfýnktsıonaldy keshen bolmaq. Delegatsııa quramynda týrızm jáne sport mınıstri Erbol Myrzabosynov, sondaı-aq qurylys kompanııasynyń ókilderi boldy.
Oqý ornynyń qurylysy Memleket basshysynyń sport ınfraqurylymyn damytý jónindegi tapsyrmalaryn oryndaý aıasynda júrgizilip jatyr.
Búgingi tańda qurylys-montaj jumystary tolyq aıaqtalyp, nysannyń bir bóligi paıdalanýǵa berildi. Birinshi kezeń aıasynda kolledjdiń oqý ǵımaraty, 500 oryndyq jataqhana, trıbýnanyń astyndaǵy bólmeler, jabyq jeńil atletıkalyq manej, basseın jáne kópfýnktsıonaldy keshen qarastyrylǵan.
Ekinshi kezeń aıasynda ǵylymı-zertteý ortalyǵy bar ýnıversıtet ǵımaratyn, 1 myń oryndyq jataqhanany, medıtsınalyq-saýyqtyrý ortalyǵyn, oqytýshylarǵa arnalǵan turǵyn úı korpýsyn jáne stadıondy paıdalanýǵa berý josparlanǵan. Qurylys jumystaryn bıyl jyl sońyna deıin aıaqtaý kózdelip otyr.
Tekserý qorytyndysy boıynsha vıtse-premer sport nysanyna ınjenerlik-kommýnıkatsııalyq ınfraqurylym men jetkizý jelilerin tartý jóninde tıisti tapsyrmalar berdi.