Roman Sklıar Araldy qutqarý halyqaralyq qorynyń otyrysyna qatysty
NUR-SULTAN. QazAqparat - 22 aqpanda Araldy qutqarý halyqaralyq qorynyń otyrysy onlaın rejımde ótti. Qazaqstan tarapynan sharaǵa Premer-Mınıstrdiń birinshi orynbasary Roman Sklıar qatysty, dep habarlaıdy QazAqparat primeminister.kz-ke silteme jasap.
Kezdesýde sý resýrstaryn basqarý jáne paıdalaný máselelerin sheshýdiń mańyzdylyǵyn túsiný, múddeli elder arasyndaǵy kóp qyrly yntymaqtastyqtyń oń úrdisteri atap ótildi. R. Sklıar óz sózinde Qazaqstan tarapy Aral teńizine transshekaralyq ózenderdiń aǵynynyń qalyptasý aımaǵynan josparlanǵan ekspedıtsııany qoldaıtynyn, sondaı-aq osy ekspedıtsııany sátti uıymdastyrý men ótkizýge kómek kórsetýge daıyn ekenin atap ótti. Sonymen qatar ırrıgatsııa men energetıka múddelerin eskere otyryp, óńirdiń sý-energetıkalyq resýrstaryn tıimdi paıdalaný mehanızmin qarastyratyn Óńirlik sý-energetıkalyq konsortsıýmyn qurý máselesin qarastyrý usynylady.
