Roman Sklıar apatqa ushyraǵan AN-2 ushaǵyna qatysty túsinik berdi
NUR-SULTAN. QazAqparat - QR Indýstrııa jáne ınfraqurylymdyq damý mınıstri Roman Sklıar Aqmola oblysynda apatqa ushyraǵan AN-2 ushaǵyna qatysty tolyq málimet tekserýden keıin beriletinin atty, dep habarlaıdy QazAqparat tilshisi.
«Men bul týraly jańa ǵana (QR Parlamenti palatalarynyń birlesken otrysynan keıin) estidim, oqıǵa ornyna qyzmetkerler attandy. Keıinnen bul jaǵdaı boıynsha tolyq aqparat taratylady. Birlesken otyrysta boldym, sondyqtan oqıǵanyń mán-jaıyn tolyq bilmeımin. Atap aıtqanda, tekserý jumystarymen bizdiń arnaıy basqarma aınalysyp jatyr jáne olar tıisti aqparatty taratady», - dedi mınıstr tilshiler saýalyna jaýap bere otyryp.
Sonymen qatar R. Sklıar atalǵan sanattaǵy ushaqtar sany elimizde az emes ekenin jetkizdi.
«Bul ushaqtardyń kóbine jańa emes, olardyń apatqa ushyraýynyń túrli sebepteri bolyp jatady. Sondyqtan búgingi oqıǵa boıynsha tekserý júrgizý kerek», - dedi vedomstvo basshysy.
Eske sala keteıik, 20 maýsymda saǵat shamamen 10-00-de Aqmola oblysynyń Tselınograd aýdanyna qarasty Rodına aýylynan 10 shaqyrym jerde egistik alqabyn hımııalyq óńdep júrgen AN-2 ushaǵy apatqa ushyrady.
Apat saldarynan ushaq ushqyshy qaza taýyp, 2 ekıpaj múshesi jaraqat pen kúıik shalyp, aýrýhanaǵa jetkizildi.Ushaqtyń qulaý sebebi anyqtalyp jatyr.
