Roman Sklıar AES qurylysy jaıynda: Saıası táýekelder týyndaǵan sátinde qarastyrylady
ASTANA. KAZINFORM – AES salatyn eldermen aradaǵy shartta sanktsııalyq kelisim qarastyrylatyn bolady. Bul týraly Úkimet otyrysynan keıingi brıfıngte Premer-Mınıstrdiń birinshi orynbasary Roman Sklıar aıtty.
«Konsortsıým bolatyn shyǵar. Eń bastysy — qaýipsizdik. Sonymen qatar biz salynatyn jańa stansa eń tyń jobalyq sheshimder men óz salasynyń kóshbasshysy sanalatyn óndirýshi eldiń ozyq tehnologııasy bolǵanyna múddelimiz. Sondyqtan sheshim konfıgýratsııa boıynsha qabyldanady. Onymen men de, Almasadam Maıdanuly da (Energetıka mınıstri Almasadam Sátqalıev) aınalyspaıdy. Arnaıy jobalyq top bolady. Al oryn alýy múmkin saıası táýekelder týyndaǵan sátinde, ıaǵnı jobalaý barysynda qarastyrylady. Eger mundaı jaıt oryn alsa, onda túrli kompanııalarmen, túrli eldermen aradaǵy shartta sanktsııalyq kelisim bolatyndyǵy sózsiz, - dedi Úkimet basshysynyń birinshi orynbasary BAQ ókilderiniń saýalyna oraı.
