Roman Krechke eki bólmeli páter beriletin boldy
ASTANA. QazAqparat - Qazaqstandyq konkımen júgirýshi Roman Krechtiń baspana jaǵdaıy Sochı Olımpıadasyna deıin jaqsarýy tıis edi. Bul týraly Soltústik Qazaqstan oblysynyń Sport jáne dene shynyqtyrý basqarmasynyń basshysy Rýslan Esenalın málimdedi, dep habarlaıdy kazsporttv.kz.
Budan buryn habarlaǵanymyzdaı , Olımpıadadan elge oralǵan sportshyny úıinen shyǵaryp jibere jazdaǵan bolatyn. Ol áleýmettik jelidegi jeke paraqshasynda muńyn shaqqan bolatyn. «Sportshy kólemi 30 sharshy metrden sál ǵana asatyn úıde turdy. Ony bir bólmeli páterge aıyrbastaýdy usyný baǵasy jaǵynan teń sııaqty. Sonymen qatar, oblys ákimi Roman Krechke Sochı Olımpıadasynda joǵary nátıje kórsetkeni úshin eki bólmeli páter beredi», - dedi Rýslan Esenalın.
