Roman Gonsales: «Golovkın - Djeıkobs boks keshiniń aıasynda aıqasýym múmkin»
ASTANA. QazAqparat - Eshqashan jeńilip kórmegen nıkaragýalyq boksshy Roman Gonsales 18 naýryzda Nıý-Iorkte Gennadıı Golovkın men Denıel Djeıkobs jekpe-jekke shyǵatyn boks shoýyna qatysýy múmkin ekenin aıtty, dep habarlady Sports.kz.
Budan buryn K2 Promotions atqarýshy dırektory Tom Leffler Gonsales pen Karlos Kýadrastyń yqtımal qarymta kezdesetini jaıly eske salǵan, alaıda nıkaragýalyqtyń qarsylasy Taıland ókili Srısaket Sor Rýngvısaı (41-4-1, 38 KO) bolýy múmkin.
«Biz NVO-da 18 naýryzda Gennadıı Golovkınmen ótetin kesh aıasynda aıqasýdy josparlap otyrmyz. NVO bizge qyzyǵýshylyq tanytýda. Men Karlos Kýadrastan basqa kez kelgen qarsylasyma qarsy óz tıtýlymdy qorǵaımyn, mańyzdysy gonorar», - degen Chokolatıtonyń sózin keltirdi La Prensa basylymy.
