Roman Abramovıchtiń «Chelsıi» bir jyl ishinde 300 mln. eýro tabys tapty
ASTANA. QazAqparat - Londonnyń «Chelsı» fýtbol klýby 2012/2013 jyldardaǵy maýsym qorytyndysynda tutastaı alǵanda 303 mıllıon eýro tabys taýyp, bul kórsetkish boıynsha álemniń úzdik komandalarynyń jetiligine kirdi, dep habarlady RBK AǴR-ge silteme jasap.
«Chelsı» tabysynyń basym bóligi televızııalyq quqyqtar satýdan tústi. Reseılik kásipker Roman Abramovıchtiń komandasy sondaı-aq fýtbol kıimderin, satý, taratý jáne brendin ilgeri jyljytý, maýsymdyq abonementter satý sııaqty kommertsııalyq kórsetkishterinen biraz qarjy tapty.
Jalpy alǵanda, Anglııada fýtbol klýby bıznesinen tabys tabýǵa bolady, munda bıznesti damytýǵa barlyq jaǵdaı bar, kórermenderdiń qyzyǵýshylyǵy, turaqty túrde sport atrıbýttaryn satýǵa bolady, bir sózben aıtqanda, anglııalyq klýbtarǵa qarjy salý tıimdi, onyń ústnie qarjy strategııasyn saýatty júrgize otyryp kiris keltirýge múmkindik bar. Sondyqtan da Anglııa komandalary jaqsy tabys taýyp júr.
Degenmen, «Chelsı» ótken maýsymda kirisi jóninen Manchesterdiń eki komandasyna jol berdi - «Manchester Sıtı» 316 mıllıon eýro tapty (6-oryn), «Manchester ıÝnaıted» 424 mıllıon kiris keltirdi (4 oryn).
Al eń kóp tabysqa kenelgender - ıspandyq «Real» jáne «Barselona» komandalary. Ótken maýsymda madrıdtyq «Real» 519 mln. eýro tabys tapty. Al katalondyq «Barselonanyń» tabysy - 483 mln. eýroǵa jetti.
Tabysy jóninen úshinshi orynda 431 mln. eýro kirispen mıýnhendik «Bavarııa» ornalasqan. Úzdik jetiliktiń qatarynda eýropalyq naryqtaǵy jańa oıynshy «Parı Sen-Jermen» de bar. Onyń ótken maýsymdaǵy tabysy 399 mln. eýrony qurady.
