Rolls Roıspen vıtrınany qıratqan adam psıhıatrııalyq aýrýhanaǵa jatqyzyldy
ALMATY. QazAqparat - Rolls-Royce minip vıtrınany qıratqan almatylyq er adam psıhıatrııalyq aýrýhanaǵa jatqyzyldy, dep habarlaıdy QazAqparat tilshisi.
«Sot QR QK 16-babyna súıene otyryp sottalýshyny qylmystyq jaýapkershilikten bosatty. Er adam óz istegen áreketine jaýap bere almaıtyn bolyp shyqty.
Іs toqtatyldy. Aıyptalýshy májbúrli túrde psıhıatrııalyq aýrýhanaǵa jatqyzylatyn boldy», - dedi Almaty qalalyq sotynyń baspasóz qyzmetinen.
Sot-psıhıatrııalyq saraptama nátıjesinde er adamnyń shızofrenııamen aýyratyny rastaldy. Sot-taýar saraptamasynyń nátıjesinde buzylǵan kólikti jóndeýge 43 mln teńge, qıraǵan áınekti jóndeýge 1,9 mln teńge tóleıtin boldy.
Apellıatsııalyq sot alǵashqy ınstantsııadaǵy sot sheshimin ózgerissiz qaldyrdy.
Aıta ketý kerek, oqıǵa ál-Farabı kóshesiniń boıyndaǵy «Bavarııa» salonynda bolǵan. Er adam qymbat baǵaly kólikke mingen soń gazdy basyp áınek qabyrǵany qıratqan.
