Rolls-Royce óndiris bastalǵanǵa deıin 100 jańa elektrli kóligin satty
ASTANA. KAZINFORM — Rolls-Royce 2027 jyly bastalýy tıis óndiriske deıin Rroject Nightingale atty barlyq 100 kabrıoletti satqan. Endi kólik ıeleri tolyqtaı personaldy, tapsyrys berýshiniń talǵamyna saı erekshe jabdyqtalǵan kólikterdi alady, dep habarlaıdy ABC News.
Óndiris tek 2027 jyly bastalatynyna qaramastan, 100 avtokólikten turatyn shekteýli serııasy tolyǵymen satylyp úlgerdi. Kólikti alýǵa qyzyqqandar qazir kútý tizimine jazylyp jatyr.
Rolls-Royce bas dırektory Krıs Braýnrıdjtiń aıtýynsha, Project Nightingale brendtiń alǵashqy jobasy bolyp, ár klıenttiń talǵamyna saı avtokólikterdi personaldaýdy qarastyrady. Shanaq dızaıny birkelki, biraq bezendirý, ishki jabdyqtar men jeke elementter ár tapsyrys berýshiniń qalaýy boıynsha ózgeshe bolady.
Elektr kóligin óndirý kompanııanyń Gýdvýdtaǵy zaýytynda bastalady, tutynýshylarǵa alǵashqy jetkizilim 2028 jyly júzege asady dep josparlanǵan.
Rolls-Royce sonymen qatar óndiristik keshendi keńeıtýdi josparlap otyr. Kompanııa jeke tapsyrystarǵa arnalǵan avtokólikter shyǵarý úshin qosymsha 40 myń sharshy metr alań salýǵa 300 mln fýnt sterlıngten astam ınvestıtsııa salǵan.
Braýnrıdj álemdik ekonomıkanyń turaqsyzdyǵy men Taıaý Shyǵystaǵy jaǵdaıǵa qaramastan personaldaýǵa suranystyń artqanyn atap ótti.
Jańa modeldiń baǵasy resmı túrde jarııalanbaǵan. Rolls-Royce tek onyń «aıryqsha ekstravagantty» premıým-klass avtokóligi ekenin jetkizdi.
Aıta keteıik, Qytaı avtonaryǵyndaǵy gıperbásekelestik baǵanyń kúrt tómendeýine ákeldi. AQSh-taǵy ortasha jańa kóliktiń baǵasyna BYD jáne Geely kompanııalarynan qytaılyq 5 jańa elektromobıl satyp alýǵa bolady.
