Rolls-Royce kompanııasy 2,5 myń qyzmetkerin qysqartady

Avtokólik jáne áýe qozǵaltqyshtaryn shyǵaratyn brıtandyq Rolls-Royce kompanııasy shyǵyndy azaıtý úshin 2500-ge deıin jumys ornyn qysqartýdy josparlap otyrǵanyn málimdedi. Kazinform bul týraly Euronews-ke silteme jasap habarlaıdy.

ıAǵnı, qysqartý álem boıynsha kompanııa qyzmetkerleriniń 6% qatysty bolmaq.

Keshe jarııalanǵan Rolls-Royse málimdemesinde jumystan shyǵarý jospary – kompanııanyń jańa kezeńiniń bastaýy ekeni aıtylǵan.

«Biz bolashaqpen úndes Rolls-Royse kompanııasyn quryp jatyrmyz. Bul klıentter, seriktester men aktsıonerlerdiń paıdasyna jumys isteıtin tıimdi uıym bolady», - dedi bas dırektor Týfan Ergınbılgıch.

Rolls-Royse COVID-19 pandemııasy kezinde shyǵynǵa batyp, 2021 jyly ǵana qaıta tabys taba bastady. 2022 jyly kontsern kirisi qaıta azaıyp ketti.