Rolls Royce kólikteriniń satylýy jaǵynan 2014 jyly jańa rekordqa qol jetkizildi
ASTANA. QazAqparat - Nemistiń BMW kontsernine tıesili brıtandyq «lıýks» klasyndaǵy avtomobılderdi shyǵaratyn Rolls Royce 2014 jyly besinshi ret satý boıynsha óz rekordyn jańartty.
«Ótken jylmen salystyrǵanda satý kólemi 12%-ǵa artyp, 4 myń 63 avtomobıldi qurady», dep málim etti kompanııanyń basqarma tóraǵasy Torsten Mıýller Otvos. Satylǵan temir tulparlardyń quny 1,2 mlrd fýnt sterlıngten asady. Deutsche Welle habarlaǵandaı, kólikterdiń basym bóligi AQSh-ta satylǵan. Eýropa men Taıaý Shyǵysta da bul kompanııanyń kóligine degen suranys joǵary bolǵan. Sársenbi kúni 2014 jyldyń qorytyndysy boıynsha Ulybrıtanııada jańa avtomobılderdiń satylýy týraly resmı málimetter jarııalanady. Sarapshylardyń baǵalaýynsha, kórsetkish 2,5 mln-ǵa jýyqtap, bul 10 jyl ishindegi eń úzdik nátıje bolmaq.
