Rólge mas kúıinde otyrǵan júrgizýshi - qylmysker
ASTANA. 11 qazan. QazAqparat - Rólge mas kúıinde otyrǵan júrgizýshilerge jazany qatańdatý qajet. Búgin Aqordada ótken Úkimettiń keńeıtilgen otyrysynda Memleket basshysy Nursultan Nazarbaev osylaı aıtty.
«Keshe men Qasymovpen sóılestim. Qarańyzdar, ótken jyly joldarda 2145 adam qaza tapty. Osy jyldyń 9 aıynda 2273 adam mert boldy», - dedi QR Prezıdenti.
Sonymen qatar Elbasy jol erejesin buzýshylarǵa qatysty zań talaptaryn kúsheıtý qajettigin basa aıta kele: «Rólge mas kúıinde otyrǵan júrgizýshi - qylmysker. Ony bizde bar zańmen barynsha qatań jazalaý kerek nemese bul zańdardy kúsheıtý qajet», - dedi.
Osy rette QR Іshki ister mınıstri Q.Qasymov qazirgi zańǵa sáıkes jaza qatańdatylǵandyǵyn basa aıtty.
«Qaýipsizdik keńesimen bizderge taǵy ne isteý kerektigin oılastyr. Bul - baryp turǵan tártipsizdik. Adamdardan aıyrylýdamyz. Biz mynda olardy emdep, olardyń sanyn ári ómir súrý uzaqtyǵyn arttyrǵymyz keledi. Al jolda olar mert bolýda»,- dedi Elbasy.
