Rolex qazaqstandyq kásipkerdi sotta jeńip shyqty
ASTANA. KAZINFORM – Elordalyq sot qazaqstandyq kásipkerdiń taýar belgisine qatysty daýyna qatysty sheshim shyǵardy.
Іs 2023 jyly 19 maýsymda Qazaqstan azamaty osy belgini tirkegen kezde bastaldy. Degenmen, 2023 jyldyń 4 qyrkúıeginde Rolex SA bul saýda belgisiniń olardyń áıgili COSMOGRAPH belgisine tym uqsas ekenin aıtyp, shaǵymdandy.
2024 jyldyń 20 aqpanynda Qazaqstan Respýblıkasy Ádilet mınıstrliginiń apellıatsııalyq keńesi «S» belgisin joıýdan bas tartty. Biraq Rolex SA Astana qalasynyń ákimshilik sotynda shyǵarylǵan sheshimge qatysty shaǵymyn jetkizdi. Sot Rolex-tiń dálelderimen kelisip, «S» saýda belgisi COSMOGRAPH sóziniń bóligi retinde túsindirilýi jáne tutynýshylardy jańylystyrýy múmkin ekenin aıtty.
Sot áleýmettik jelilerde jáne Google-da «C saǵatyn satyp alý» týraly izdeý nátıjesi boıynsha zertteý júrgizdi. Sol kezde Rolex ónimderi jıi paıda bolǵan. Sonymen qatar osy iske qatysty arnaıy shaqyrylǵan maman «S» belgileri arasyndaǵy uqsastyq dárejesin baǵalady. Munan soń sot bul taýar belgini uqsas dep tanydy.
Sot aktisi zańdy kúshine engen joq.
