Roland Garros Junior Series týrnıri: Almatyda irikteý jarysynyń jeńimpazdary anyqtaldy
ASTANA. KAZINFORM — Almatyda 16 jasqa deıingi tennısshiler arasynda Roland Garros Junior Series by Renault — Qualifications West and Central Asia halyqaralyq týrnıri máresine jetti.
Ortalyq jáne Batys Azııa elderi boıynsha irikteý jarysynda uldar men qyzdar arasynda jeńimpazdar men júldegerler anyqtaldy.
Uldar arasynda Iran ókili Kıarash Sadegızeıdı birinshi oryn aldy. Qazaqstandyq tennısshi Rodıon Traıgel kúmis júldege ıe bolsa, taǵy bir otandasymyz Beksultan Baýyrjanov úshinshi orynǵa kóterildi. Qazaqstandyq Ámir Asqar jarysty tórtinshi orynmen aıaqtady.
Qyzdar arasyndaǵy jarysta Ózbekstan ókili Aleksandra Barmıcheva jeńimpaz atandy. Qazaqstandyqtardan Alýa Marat ekinshi oryn alsa, Aıym Qanaǵatova qola júldege ıe boldy. Sondaı-aq Támına Sáken tórtinshi orynǵa turaqtady.
Іrikteý kezeńiniń jeńimpazdary qazan aıynda Japonııada ótetin Roland Garros Junior Series by Renault fınaldyq kezeńinde Batys jáne Ortalyq Azııa aımaǵynyń atynan óner kórsetý quqyǵyna ıe boldy.
Roland Garros Junior Series by Renault — Qualifications West and Central Asia týrnıri Qazaqstan tennıs federatsııasy, Azııa tennıs federatsııasy (ATF) jáne Almaty qalasy ákimdiginiń qoldaýymen ótti. Jarysqa 16 jasqa deıingi 16 ul men 16 qyz qatysty.
Eske sala keteıik, budan buryn Rolan Garros týrnıriniń Almatydaǵy irikteý jarysynyń fınalyna qos qazaqstandyq shyqqanyn jazǵan edik.
Sondaı-aq tennısshi Grıgorıı Lomakın Taıbeıdegi týrnırdiń fınalyna joldama aldy.
