Rolan Garrostyń irikteý týrnırinde Qazaqstannan jartylaı fınalǵa kimder shyqty

ALMATY. KAZINFORM — Almaty qalasyndaǵy Gorky Tennis Park ortalyǵynda jasóspirimder arasynda Batys jáne Ortalyq Azııa boıynsha ótip jatqan Rolan Garrostyń irikteý týrnırinde jartylaı fınalǵa ótkender anyqtaldy. 

Erkejan Jańataeva shırek fınalda Gaýhar Aqtandy 6:3, 6:2 esebimen tize búktirdi.

Erkejan fınalǵa shyǵý úshin túrkmenstandyq Ilıma Gýseınovamen talasady. Ol Sofıa Malyshevany joldan taıdyrdy – 6:1, 6:1.

Alısa Koroleva úsh saǵatqa sozylǵan asa tartysty básekede Karolına Legaıdy jeńdi - 6:7 (1:7), 7:6 (7:2), 6:4. Jartylaı fınalda Alısa Ádııa Omarbekpen kezdesedi.

Ádııa ózbekstandyq Keıra Kımnen aılasyn asyrdy - 6:2, 6:4.

Uldar arasynda Ratmır Pýlkevıchti 6:4, 6:1 esebimen jeńgen Mansur Saıynov jartylaı fınalda ózbekstandyq Alan Zınatýlınmen sheberlik baıqasady. 

Abdýrahmon Karımovty 3:6, 6:1, 6:4 esebimen qapy qaldyrǵan Ańsar Nıetqalıev taǵy bir ózbekstandyq Akmal Abdýllaevpen synǵa túsedi.

Eske sala keteıik, budan buryn Rolan Garrostyń irikteý týrnırinde qazaqstandyq jas tennısshilerdiń shırek fınalǵa shyqqanyn jazǵan edik. 

Sondaı-aq Elena Rybakına Monreal týrnıriniń fınalyna bir qadam jetpeı toqtady.