Rolan Garrostyń irikteý týrnıri: qazaqstandyq jas tennısshiler shırek fınalǵa ótti
ALMATY. KAZINFORM — Almaty qalasyndaǵy Gorky Tennis Park ortalyǵy korttarynda jasóspirimder arasynda Batys jáne Ortalyq Azııa boıynsha Rolan Garrostyń irikteýi týrnıri ótip jatyr.
Azııa jáne Qazaqstan tennıs federatsııasynyń qoldaýymen ekinshi ret uıymdastyrylǵan jarysta qazaqstandyq jas sportshylar óz toptarynda eki jeńisten qol jetkizdi.
Osylaısha, Rodıon Traıgel, Ańsar Nıetqalıev, Mansur Saıynov, Erkejan Jańataeva, Karolına Lıgaı, Alıssa Koroleva, Gaýhar Aqtan jáne Ádııa Omarbek merziminen buryn shırek fınalǵa joldama aldy.
Búgin toptyq básekelerdiń sońǵy kezdesýlerinde shırek fınalǵa shyqqandar tolyqtaı anyqtalady.
Jarys fınalısteri qazan aıynda Japonııada ótetin irikteý týrnırine qatysyp, 2026 jylǵy Rolan Garrosqa beriletin jalǵyz joldamany sarapqa salady.
Eske sala keteıik, budan buryn Jibek Qulambaevanyń Serbııadaǵy jarysty sátti bastaǵanyn jazǵan edik.
Sondaı-aq Tsıntsınnatı masters týrnırinde Aleksandr Shevchenko irikteý saıysynyń fınalyna shyqty.