Rolan Garrostan keıin Býblık úshin Shtýtgart týrnıri sátti bola ma
ASTANA. KAZINFORM — Qazaqstannyń birinshi raketkasy Aleksandr Býblık 8-14 maýsym aralyǵynda ótetin Shtýtgart (Germanııa) ATP 250 týrnırinde baq synaıdy.
Shtýtgartqa kelip, daıyndyqty bastaǵan A.Býblık úshin bul kógal maýsymyndaǵy alǵashqy jarys bolmaq.
Dodanyń 3-raketkasy bolyp tirkelgen qazaqstandyq tennısshi ekinshi aınalymnan bastaıdy.
Ol álemniń 80-raketkasy, germanııalyq ıAn-Lennard Shtrýff nemese reıtıngide 193-oryndaǵy irikteý saıysy jeńimpazdarynyń biri, kanadalyq Aleksıs Galarnonyń qaı jeńgenimen oınaıdy.
Jeksenbi kúni máresine jetken Rolan Garros týrnıri A.Býblık úshin sátsiz boldy. Ol alǵashqy aınalymda-aq dál osy Shtrýftan utylyp, jarys jolynan shyǵyp qaldy. Sonyń saldarynan dúısenbide jańartylatyn álemdik reıtıngide qazaqstandyq tennısshi 10-nan 11-satyǵa yǵysady. Onyń ornyna bıylǵy Rolan Garros týrnıriniń fınalısi, ıtalııalyq Flavıo Kobollı kóteriledi.
Fınalda F.Kobollıdi 6:1, 4:6, 6:4, 6:7 (5:7), 6:1 esebimen utqan álemniń 3-raketkasy, germanııalyq Aleksandr Zverev óz sporttyq jolynda alǵash ret «Úlken dýlyǵa» týrnıriniń chempıony atandy.
Áıelder arasynda da 19 jastaǵy reseılik Mırra Andreeva tuńǵysh ret osyndaı deńgeıdegi dodada top jardy.
Qazaqstandyqtardan Anna Danılına ǵana sátti óner kórsetip, juptyq synda fınalǵa deıin jetti.
Endi kógal maýsymyndaǵy týrnırlerde, sonyń ishinde Ýımbldonda qazaqstandyqtar tabys bıiginen kórine ala ma, ony aldaǵy jarystar kórsetedi.
Eske sala keteıik, budan buryn Elena Rybakınanyń London jarysynda óner kórsetetinin jazǵan edik.
Sondaı-aq Anna Danılına Rolan Garros týrnıriniń fınalynda jeńilis tapty.
