Rolan Garrostaǵy sensatsııa: Ámir Omarhanov jarystyń 3-raketkasyn utyp, jartylaı fınalǵa ótti

PARIJ. KAZINFORM - Qazaqstandyq Ámir Omarhanov juptyq synda jasóspirimder arasynda Rolan Garros týrnıriniń jartylaı fınalyna ótti.

Qazaqstandyq tennısshi reseılik Tımofeı Derepaskomen birge shırek fınalda osy jarystyń 3-raketkalary, frantsııalyq Tomas Forel - rýmynııalyq Lýka Predamen synǵa tústi.

Birinshi partııada qazaqstandyq-reseılik jup 6:4 esebimen basym tússe, ekinshisinde frantsııalyq-rýmynııalyq dýet qarymta qaıyrdy - 6:4. Degenmen sýper taı-breıkte Ámir men Tımofeı jeńisti julyp aldy - 12:10. Bir saǵat 20 mınýtqa sozylǵan báseke barysynda olar 3 eıspen birge 10 breık-poınttyń tórteýin paıdalandy. Frantsııalyq-rýmynııalyq jup 3 eıs, 4 breıkpen (5 breık-poınt) kózge tústi.

Ámir Omarhanov - Tımofeı Derepaskonyń jartylaı fınaldaǵy qarsylastary keıin anyqtalady.

Eske sala keteıik, budan buryn Beıbit Juqaevtyń Ulybrıtanııada Astana týrnıriniń fınalısin utqanyn jazǵan bolatynbyz.