Rolan Garros týrnıriniń irikteý saıysynda 4 qazaqstandyq tennısshi oınaıdy
ASTANA. KAZINFORM – «Úlken dýlyǵa» dodasy – Frantsııa ashyq chempıonatynyń irikteý týrnırinde erler arasynda 4 qazaqstandyq tennısshi baq synaıdy.
Dúısenbi kúni bastalatyn irikteý saıystarynyń shırek fınalynda álemniń 174-raketkasy Beıbit Juqaev dúnıejúzilik reıtıngide 167-orynda turǵan argentınalyq Hýan Manýel Serýndolomen sheberlik baıqasady.
Reıtıngide 177-oryndaǵy Denıs Evseev álemniń 237-raketkasy, bolgarııalyq Adrıan Andreevpen kezdesedi.
Álemniń 223-raketkasy Dmıtrıı Popko bastapqy básekesinde reıtıngide ózinen jeti saty tómen turǵan frantsııalyq Valentın Roıeden ótýge tyrysyp kóredi. Taǵy bir qazaqstandyq, álemniń 134-raketkasy Mıhaıl Kýkýshkın reıtıngide 148-oryndaǵy shveıtsarııalyq Leandro Rıdımen kortqa shyǵady.
Іrikteý saıystary 24 mamyrda aıaqtalady.
Jyldyń basty jarystarynyń biri sanalatyn Rolan Garros týrnıri 26 mamyr – 9 maýsym aralyǵynda ótedi.
Eske sala keteıik, budan buryn ıÝlııa Pýtıntsevanyń Strasbýrgte týrnırdiń negizgi kezeńine ótkenin jazǵan bolatynbyz.
