«Rolan Garros» týrnırinde qazaqstandyq úsh tennısshi ekinshi aınalymǵa shyqty

Álemdik reıtıngte 54-shi orynda turǵan 26 jastaǵy Mıhaıl Kýkýshkın ózinen alty jas úlken frantsııalyq tennısshi Nıkolıa Maıýdy tórt partııada 6:3, 6:7, 6:3, 6:4 esebimen utty. M.Kýkýshkın úshinshi aınalymǵa shyǵý úshin amerıkandyq alyp, boıy 208 santımetr Djon Isnermen sheberlik baıqasady. Qyzyq úshin aıta ketelik, 2010 jyly Ýımbldon týrnırinde osy D.Isner N.Maıýmen 11 saǵat 5 mınýt boıy oınap, tennıs tarıhyndaǵy eń uzaq kezdesýdi ótkizip, tize búktirgen bolatyn. Bul matchtyń qurmetine eskertkish taqta da qoıylǵan.

Úndilik Somdev Devvarmandy úsh partııada jeńgen Qazaqstan namysyn qorǵap júrgen 27 jastaǵy Aleksandr Nedovesovtiń kelesi qarsylasy - chehııalyq myqty Tomash Berdyh. Taǵy bir qazaqstandyq Andreı Golýbev alǵashqy aınalymda osy týrnırdiń jetinshi raketkasy, ulybrıtanııalyq Endı Marreımen kortqa shyǵady.

Áıelder arasynda álemdik reıtıngte 69-orynda kele jatqan ıAroslava Shvedova amerıkandyq Loren Devısti tartysty kezdesýde 3:6, 7:5, 6:4 esebimen utyp, ekinshi aınalymǵa joldama aldy. Sóıtip ol kort ıesi Polın Parmentemen kúsh synasady.

Esterińizge sala keteıik, dúısenbi kúni álemdik reıtıngte 96-orynnan birden 86-satyǵa kóterilgen 20 jastaǵy Zarına Dııasqa chehııalyq, osy týrnırdiń besinshi raketkasy Petra Kvıtovamen kezdesýinde tájirıbe men sheberlik jetispeı, 5:7, 2:6 esebimen utylyp qaldy. Degenmen mamandar qazaq qyzynyń bolashaǵy alda dep otyr.