«Rolan Garros» týrnıri: Zarına Dııastyń qarsylasy anyqtaldy
ASTANA. QazAqparat - Parıjde ótip jatqan «Rolan Garros» týrnırinde Zarına Dııastyń qarsylasy anyqtaldy, dep habarlaıdy QazAqparat tilshisi.
Osy týrnırdiń 21-inshi raketkasy bolyp tirkelgen japonııalyq Naomı Osaka amerıkalyq Sofıa Kenındi 6:2, 7:5 esebimen tize búktirip, ekinshi aınalymǵa shyqty. Jıyrma jasar N.Osaka bıyl Indıan Ýells (AQSh) týrnırinde aıdy aspanǵa shyǵaryp, reseılik Marııa Sharapova, chehııalyq Karolına Plıshkova, álemniń birinshi raketkasy, rýmynııalyq Sımona Halep sııaqty myqtylardy joldan taıdyryp, jeńimpaz atanǵan edi. Sondyqtan ol álemniń 51-inshi raketkasy Zarına Dııaspen kezdesýde jeńisten basty úmitker bolatyny anyq.
Eske sala keteıik, keshe «Rolan Garros» týrnıri qazaqstandyqtar úshin sátti bastalyp, ıÝlııa Pýtıntseva ulybrıtanııalyq Iohanta Kontany, Zarına Dııas Polsha eliniń ókili Magda Lınetti tize búktirgen bolatyn. ıÝ.Pýtıntseva ekinshi aınalymda amerıkalyq Djennıfer Bredımen sheberlik baıqasady.
Búgin erler arasyndaǵy «Rolan Garros» týrnırinde qazaqstandyq Mıhaıl Kýkýshkın osy týrnırdiń 31-inshi raketkasy bolyp tirkelgen ıspanııalyq Albert Ramos-Vınolaspen kortqa shyǵady.
