Rolan Garros týrnıri: Zarına Dııas álemniń 15-raketkasyna jol berdi
NUR-SULTAN. QazAqparat – Qazaqstandyq Zarına Dııas Parıjde ótip jatqan Rolan Garros týrnıriniń úshinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 93-orynda turǵan Z.Dııas ekinshi aınalymda álemniń 15-inshi, osy dodanyń 14-raketkasy, belgııalyq Elıza Mertenspen sheberlik baıqasty.
Buǵan deıin qarsylastar ótken jyly Federatsııa kýbogynda kezdesip, onda belgııalyq sportshy 1:6, 6:2, 6:1 esebimen jeńiske jetken edi.
Bul joly birinshi partııada E.Mertens 4:2 esebimen alda turdy. Degenmen Zarına qatarynan tórt geımdi aldy – 6:4.
Ekinshi sette belgııalyq tennısshi aıqyn basymdylyq kórsetti – 6:2.
Úshinshi, sheshýshi partııada esep 3:3 bolǵan mezette E.Mertens breık jasap ketti. Aqyry matchqa dop bergende, jeńisti julyp aldy – 6:4.
Tartysty ótken báseke 2 saǵat 27 mınýtqa sozyldy.
E.Mertens úshinshi aınalymda álemniń 18-raketkasy, grekııalyq Marııa Sakkarımen kezdesedi.
Z.Dııas óz sporttyq jolynda buǵan deıin de Rolan Garros týrnıriniń úshinshi aınalymyna shyǵa almaǵan edi.
Eske sala keteıik, budan buryn ıÝlııa Pýtıntsevanyń juptyq synda Rolan Garros týrnıriniń ekinshi aınalymyna ótkenin, Elena Rybakınanyń alǵash ret úshinshi aınalymǵa shyqqanyn jazǵan bolatynbyz.
Sondaı-aq qazaqstandyq tennısshiler juptyq básekelerin sátti ótkizýde.
A.Býblık pen A.Golýbev juptyq synda úshinshi aınalymǵa shyqty.
