«Rolan Garros» týrnıri: ıÝlııa Pýtıntseva jartylaı fınalǵa shyǵa almady
ASTANA. QazAqparat - Qazaqstandyq ıÝlııa Pýtıntseva «Rolan Garros» týrnıriniń shırek fınalynda álemniń 13-inshi raketkasy, amerıkalyq Medıson Kızben kúsh synasty, dep habarlaıdy QazAqparat tilshisi.
Dúnıejúzilik reıtıngte 98-inshi orynda turǵan ıÝ.Pýtıntseva men M.Kızdiń ekeýi de 1995 jylǵy, 23 jasta bolǵanymen, amerıkalyq sportshynyń ataq-dańqy birshama joǵary. Ol - ótken jylǵy US Open týrnıriniń fınalısi.
Birinshi partııada esep 3:3 bolyp turǵan mezette qazaqstandyq tennısshi breık jasaı bildi. Sodan keıin 5:4 bolǵanda, ózi dop bergende, múmkindigin paıdalana almady. Aqyry esep 6:6 bolyp, taı-breıkke deıin jetip, M.Kız tórtinshi setbolyn múlt jibermedi - 7:6 (7:5).
Ekinshi partııada 3:3-ten keıin amerıkalyq tennısshi breık jasap, alǵa shyqty. Sóıtip ol jeńistik bermedi - 6:4.
Moıyndaý kerek, 1 saǵat 26 mınýtqa sozylǵan bul matchtyń urymtal tustarynda M.Kızdiń sheberligi basymdaý boldy, dop bergende, eısti de kóbirek jasady.
M.Kız jartylaı fınalda taǵy bir amerıkalyq tennısshi Sloan Stıvens nemese reseılik Darıa Kasatkınanyń bireýimen sheberlik baıqasady.
2016 jylǵy «Rolan Garros» týrnırinde de shırek fınalǵa deıin jetken ıÝ.Pýtıntsevanyń bıyl sol úzdik nátıjesin qaıtalaýy úlken tabys deýge bolady.
Eske sala keteıik, budan buryn qazaqstandyq tennısshiniń shırek fınalǵa shyqqanyn jazǵan bolatynbyz.
