Rolan Garros týrnıri: Pýtıntseva juptyq synda ekinshi aınalymǵa ótti
NUR-SULTAN. QazAqparat – Qazaqstandyq ıÝlııa Pýtıntseva juptyq synda Rolan Garros týrnıriniń ekinshi aınalymyna ótti, dep habarlaıdy QazAqparat tilshisi.
Qazaqstandyq tennısshi alǵashqy aınalymda rýmynııalyq Andrea Mıtýmen birge Polsha ókili Alısııa Rosolska – amerıkalyq Koko Vandevegemen kezdesti.
Birinshi partııada A.Rosolska men K.Vandevege 6:3 esebimen basym tússe, ekinshi sette qazaqstandyq-rýmynııalyq jup dál sondaı eseppen ese qaıyrdy.
Úshinshi, sheshýshi sette Mıtý men Pýtıntseva 3:0 esebimen alǵa ketti. Budan keıin qarsylastary esepti qysqartqanymen, qaıtadan breık jasap, 5:2-ge jetkizdi.
Sosyn ıÝlııa matchqa dop bergende, qazaqstandyq-rýmynııalyq jup matchty jeńispen túıindedi – 6:2.
Báseke saǵat jarymǵa jýyq ýaqytqa sozyldy.
ıÝ.Pýtıntseva men A.Mıtý ekinshi aınalymda Frantsııa ashyq chempıonatynyń 3-raketkalary, amerıkalyq Nıkol Melıchar – nıderlandylyq Demı Shıýrs nemese frantsııalyq Dıan Parrı – Margo Ierolımos juptarynyń qaı jeńgenimen kortqa shyǵady.
Eske sala keteıik, budan buryn Zarına Dııastyń ıÝ.Pýtıntsevanyń jekeleı synda jeńilip qalǵanyn, A.Býblık pen A.Golýbevtiń Rolan Garros týrnırin sátti bastaǵanyn jazǵan bolatynbyz.
