Rolan Garros týrnıri: áıelder arasynda fınalǵa shyqqan tennısshiler anyqtaldy
Birinshi jartylaı fınalda álemniń 2-raketkasy, Belarýs ókili Arına Sobolenko men dúnıejúzilik reıtıngte 43-orynda turǵan chehııalyq Karolına Mýhova sheberlik baıqasty.
Birinshi partııada K.Mýhova taı-breıkte 7:6 (7:5) esebimen basym tústi. Ekinshisinde A.Sobolenko dál sondaı eseppen qarymta qaıyrdy – 7:6 (7:5).
Úshinshi-sheshýshi sette A.Sobolenko 5:2 esebimen alǵa ketti. Odan keıin matchbolyn paıdalana almady. Kerisinshe jeńiske degen erik-jigeriniń myqty ekendigin tanytqan chehııalyq sportshy jeńisti julyp aldy – 7:5.
Asa tartysty ótip, 3 saǵat 13 mınýtqa sozylǵan báseke osylaı kútpegen nátıjemen aıaqtalyp, Karolına Mýhova sporttyq jolynda alǵash ret Rolan Garros týrnıriniń fınalyna shyqty.
Ekinshi fınalıst álemniń 1-raketkasy, polıak qyzy Iga Shventek pen reıtıngte 14-satydaǵy brazılııalyq Beatrıs Haddad Maııanyń kezdesýinde belgili boldy. Munda I.Shventek favorıt ekendigin dáleldep, 6:2, 7:6 (9:7) esebimen jeńdi.
Osyǵan deıin eki márte Rolan Garrostyń jeńimpazy atanǵan Iga Shventektiń úshinshi ret úzdik atanatyndaı tolyq múmkindigi bar.
I.Shventek te, A.Sobolenko da Qazaqstannyń birinshi raketkasy Elena Rybakınanyń negizgi qarsylastary bolyp esepteledi. Bıyl E.Rybakına I.Shventekti Aýstralııa ashyq chempıonatynda, odan keıin Indıan-Ýells, Rım masters jarystarynda úsh ret tize búktirdi. Al A.Sobolenkoǵa Aýstralııa birinshiliginiń fınalynda ese jiberse, keıin Indıan-Ýellste qarymta qaıyrdy. Ókinishke qaraı, qazaqstandyq tennısshi Parıjde aýyryp qalyp, Rolan Garros týrnıriniń úshinshi aınalymynan asa almaǵan bolatyn.
Eske sala keteıik, budan buryn Elena Rybakınanyń álemdik reıtıngide TOP úshtikke engenin jazǵan edik.
Mıhaıl Kýkýshkın AQSh-taǵy týrnırdiń shırek fınalyna shyqty.
Arýjan Saǵyndyqova Taılandtaǵy týrnırdiń shırek fınalyna ótti.
Andreı Golýbev juptyq synda Germanııadaǵy jarystyń jartylaı fınalyna shyqty.
