Rolan Garros týrnıri: Aleksandr Býblık álemniń ekinshi raketkasyna ese jiberdi
NUR-SULTAN. QazAqparat – Qazaqstannyń birinshi, álemniń 37-raketkasy Aleksandr Býblık Rolan Garros týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi jarystyń bas arenasy – Fılıpp Shatrıe kortynda álemniń 2-raketkasy, reseılik Danııl Medvedevpen kúsh synasty.
Qarsylastar buǵan deıin bir ret kezdesip, onda D.Medvedev jeńiske jetken edi.
Eki saǵatqa jýyq ýaqytqa sozylǵan matchta reseılik sportshy sáttirek oınaı aldy – 6:3, 6:3, 7:5.
Báseke barysynda A.Býblık segiz eıs jasap, 9 breık-poınttyń úsheýin paıdalana aldy. D.Medvedev jeti breıkke qol jetkizdi.
Osylaısha erler arasynda Frantsııa ashyq chempıonatynda Qazaqstannan eshkim qalǵan joq.
D.Medvedev ekinshi aınalymda álemniń 52-raketkasy, amerıkalyq Tommı Pol nemese reıtıngte 129-satydaǵy aýstralııalyq Krıstofer O'Konneldiń bireýimen kortqa shyǵady.
Eske sala keteıik, budan buryn Elena Rybakınanyń Rolan Garros týrnırin jeńispen bastaǵanyn, Jibek Qulambaevanyń Shymkent týrnıriniń chempıony atanǵanyn jazǵan bolatynbyz.
Sondaı-aq Zańǵar Nurlanuly Majarstanda ótken týrnırdiń jeńimpazy atandy.
Búgin Zarına Dııas Rolan Garros týrnıriniń ekinshi aınalymyna shyqty.
