Rolan Garros týrnıri 2004 jyldan beri alǵash ret Rafael Nadalsyz ótedi

ASTANA. QazAqparat – Rolan Garros týrnıri 2004 jyldan beri alǵash ret álemniń burynǵy birinshi raketkasy, «Úlken dýlyǵa» týrnıriniń 22 dúrkin chempıony, ıspanııalyq Rafael Nadalsyz ótedi, dep habarlaıdy QazAqparat tilshisi.

Búgin 36 jastaǵy Rafael Nadal bıylǵy Rolan Garros jarysyna qatyspaıtynyn málimdedi.

Bıylǵy Aýstralııa ashyq chempıonatynyń ekinshi aınalymynda 18 qańtar kúni amerıkalyq Makkenzı Makdonaldpen ótken matchta jaraqat alǵan Nadal áli qalpyna kelý ústinde. Sodan beri kortqa shyqpaǵan ıspanııalyq tennısshi emdelýdi jalǵastyrýda.

R.Nadal Frantsııa ashyq chempıonatynda 14 ret jeńimpaz atandy. Ótken jyly da úzdik shyqqan bolatyn. Bıyl chempıondyq ataǵynan jáne 2 myń reıtıngilik upaıynan aıyrylady. Onyń qorjynynda tek 445 upaı qalmaqshy. Sóıtip 2003 jyldan beri alǵash ret ATR reıtıngisiniń úzdik júzdiginen shyǵyp qalyp, shamamen 130-orynǵa syrǵıdy.

Eske sala keteıik, budan buryn Tımofeı Skatovtyń Rolan Garros týrnırine daıyndalyp jatyrǵanyn jazǵan bolatynbyz.

Sondaı-aq Anna Danılına juptyq synda Parıj jarysynyń jartylaı fınalyna ótti.

Elena Rybakına Rımde álemniń 1-raketkasyn jeńip, jartylaı fınalǵa shyqty. Ol birinshi raketkamen taǵy kezdeskisi keletinin aıtty.

E.Rybakına masters týrnırlerindegi jeńister boıynsha álemde úzdik atanǵanyn da jazǵan edik.

Qazaqstandyq tennısshi Italııadaǵy týrnırdiń shırek fınalyna ótti.