Rolan Garros týrnıri: Mıhaıl Kýkýshkın irikteý jarysynyń fınalyna ótti

PARIJ. KAZINFORM – Qazaqstandyq, álemniń 135-raketkasy Mıhaıl Kýkýshkın Rolan Garros týrnıri irikteý saıystarynyń fınalyna ótti.

Frantsııa ashyq chempıonatynda talaı ret baq synaǵan 36 jastaǵy tennısshi bul joly irikteý saıystarynyń jartylaı fınalynda aýstralııalyq Lı Týdyń meselin qaıyrdy.

M.Kýkýshkın matchty 6:4, 6:2 esebimen aıaqtady. 1 saǵat 16 mınýtqa sozylǵan básekede ol 1 eıspen birge 7 breık-poınttyń tórteýin paıdalandy. Tý 1 eıs, 1 breıkten (2 breık-poınt) asa almady.

Mıhaıl Kýkýshkın irikteý saıystarynyń fınalynda álemniń 206-raketkasy, ıtalııalyq Franchesko Maestrellımen sheberlik talastyrady. Ony utsa, Kýkýshkın negizgi jarysqa joldama alady. 

Eske sala keteıik, budan buryn Qazaqstan jasóspirimder quramasynyń Qytaıdy jeńgenin jazǵan bolatynbyz.

Sondaı-aq Tımofeı Skatov Germanııadaǵy jarystyń shırek fınalyna joldama aldy. 

Anna Danılına Marokkodaǵy jarystyń jartylaı fınalyna shyqty.