Rolan Garros týrnıri: Elena Rybakınanyń qarsylasy ózgerdi

ASTANA. KAZINFORM – Búgin Parıj qalasynda tennısten Frantsııa ashyq chempıonaty bastalady.

Qazaqstannyń áıelder arasynda birinshi, álemniń 12-raketkasy Elena Rybakına alǵashqy aınalymda shveıtsarııalyq Belında Benchıchpen kezdesýi kerek edi.

Alaıda shveıtsarııalyq sportshy jaraqat alyp qaldy da, onyń ornyna dúnıejúzilik reıtıngide 204-orynda turǵan argentınalyq, 22 jastaǵy Hýlııa Rıera shaqyryldy.

Qazaqstannyń ekinshi, álemniń 29-raketkasy ıÝlııa Pýtıntseva irikteý saıysy jeńimpazdarynyń biri, reıtıngide 112-satydaǵy taǵy bir argentınalyq Solana Serradan ótýge tyrysyp kóredi.

Qazaqstannyń erler arasynda birinshi, álemniń 51-raketkasy Aleksandr Býblıktiń bastapqy qarsylasy – reıtıngide 92-oryndaǵy aýstralııalyq Djeıms Dakvort. 

Bul úsh oıyn da 26 mamyrǵa belgilengen. 

Ótken jyly E.Rybakına shırek fınalǵa, ıÝ.Pýtıntseva men A.Býblık ekinshi aınalymǵa deıin jetken bolatyn. 

Qazaqstannyń juptyq syndaǵy birinshi, álemniń 18-raketkasy Anna Danılına bul joly serbııalyq Aleksandra Krýnıchpen birge birinshi aınalymda Polsha ókili Magda Lınett – amerıkalyq Bernarda Peramen sheberlik baıqasady. 

ıÝ.Pýtıntseva men kanadalyq Leıla Fernandeske rýmynılyq Monıka Nıkýleský – taǵy bir polıak Katarjına Pıter tap keldi. 

Senbi kúni Strasbýrg WTA 500 týrnırinde jeńimpaz atanǵan E.Rybakına Rolan Garros týrnıri aldynda bir kún demala alatynyn jetkizdi.

- Qatty sharshaǵandyqtan, qalpyma kelýim kerek. Biraq bul Elzasta ótkizgen jaqsy bir aptany umytý degen sóz emes. Birneshe matchtan keıin Rolan Garrosqa úlken senimmen jetemin. Bul maǵan jaqsy nátıjege jetýge septesedi, - dedi qazaqstandyq tennısshi. 

Eske sala keteıik, budan buryn Rybakınanyń Strasbýrgte bıylǵy alǵashqy tıtýlyna qol jetkizgenin jazǵan bolatynbyz.