Rolan Garros týrnıri: Anna Danılına kambekpen jeńiske jetti

ASTANA. KAZINFORM — Qazaqstannyń juptyq syndaǵy birinshi, álemniń 17-raketkasy Anna Danılına Rolan Garros týrnıriniń ekinshi aınalymyna shyqty.

Qazaqstandyq tennısshi serbııalyq Aleksandra Krýnıchpen birge bastapqy kezdesýin Polsha ókili Magda Lınett — amerıkalyq Bernarda Peramen ótkizdi.

Birinshi partııada taı-breıkte Lınett — Peranyń asyǵy alshysynan tústi — 7:6 (7:3).

Budan keıin qazaqstandyq-serbııalyq oıyn tizginin qolyna alyp, kambek jasaı aldy — 6:1, 6:4.

Eki saǵat 26 mınýtqa sozylǵan tartysty básekede Danılına — Krýnıch 1 eıske qosa 14 breık-poınttyń altaýyn paıdalandy. Lınett — Pera 4 eıs, 3 breıkpen (12 breık-poınt) kózge tústi.

Anna Danılına — Aleksandra Krýnıchtiń kelesi qarsylastary keıin belgili bolady.

Eske sala keteıik, budan buryn Aleksandr Shevchenkonyń Rolan Garros týrnıriniń kelesi aınalymyna joldama alǵanyn jazǵan bolatynbyz.

Sondaı-aq Rolan Garros týrnırinde Aleksandr Býblık alǵashqy qarsylasynan aılasyn asyrdy.