Rolan Garros týrnıri: Anna Danılına ekinshi jyl qatarynan fınalǵa shyqty
ASTANA. KAZINFORM — Qazaqstannyń juptyq syndaǵy birinshi, álemniń 6-raketkasy Anna Danılına Rolan Garros týrnıriniń fınalyna joldama aldy.
Serbııalyq Aleksandra Krýnıchpen birge jarystyń 2-raketkasy bolyp tirkelgen A.Danılına jartylaı fınalda japonııalyq Sıýko Aoıama — taıbeılik En-Shýo Lıanmen sheberlik baıqasty.
Birinshi partııada japonııalyq-taıbeılik jup 3:0 esebimen alǵa ketkenimen, Anna men Aleksandra tarazy basyn teńestirdi — 4:4. Sodan keıin óz paıdalaryna sheshti — 7:5.
Ekinshi set 6:2 esebimen aıaqtaldy.
Bir saǵat 33 mınýtqa sozylǵan báseke barysynda Danılına — Krýnıch 6 breık-poınttyń tórteýin paıdalandy.
Osylaısha, ekinshi jyl qatarynan Frantsııa ashyq chempıonatynyń fınalyna shyqqan A.Danılına — A.Krýnıch sońǵy básekede týrnırdiń 1-raketkalary, chehııalyq Katerına Sınıakova — amerıkalyq Teılor Taýndsendpen chempıondyq ataqty sarapqa salady.
Eske sala keteıik, budan buryn Sonıa Jıenbaevanyń Qytaıdaǵy jarysta azýly qarsylasyn utqanyn jazǵan edik.
