Rolan Garros týrnıri: Anna Danılına 1/8 fınalǵa joldama aldy

ASTANA. KAZINFORM – Qazaqstannyń juptyq syndaǵy birinshi, álemniń 17-raketkasy Anna Danılına Rolan Garros týrnıriniń úshinshi aınalymyna shyqty.

Qazaqstandyq tennısshi serbııalyq Aleksandra Krýnıchpen birge bul joly jarystyń 10-raketkalary, qytaılyq Sınıý ıAn – taıbeılik Fan Ý-ǵa qarsy keldi.

Eki set te qazaqstandyq-serbııalyq juptyń basymdylyǵymen ótti – 6:4, 6:3.

Bir saǵat 21 mınýtqa sozylǵan matchta Danılına – Krýnıch 8 breık-poınttyń beseýin paıdalandy. Qytaılyq-taıbeılik dýet 3 breıkpen (6 breık-poınt) shekteldi.

Anna Danılına – Aleksandra Krýnıchtiń 1/8 fınaldaǵy qarsylastary keıin belgili bolady.

Taǵy bir qazaqstandyq, álemniń 309-raketkasy Jibek Qulambaeva Jibek Qulambaeva Kýrshýmlııa-Banıa (Serbııa) ITF W35 týrnıriniń jartylaı fınalynda reıtıngide ózinen bir saty tómen turǵan Soltústik Makedonııa ókili Lına Djercheskaǵa jol berdi – 2:6, 6:2, 3:6. Tartysty báseke 2 saǵat 17 mınýtqa sozyldy. Sóıtip J.Qulambaeva fınalǵa shyǵa almaı qaldy.

Eske sala keteıik, budan buryn Rybakınanyń Parıjde Rolan Garros chempıonyn jarys jolynan taıdyrǵanyn jazǵan bolatynbyz.

Rolan Garros týrnırinde ıÝlııa Pýtıntseva álemniń 6-raketkasyna ese jiberdi.