Rolan Garros týrnıri: Aleksandr Shevchenko kambekpen jeńiske jetti

ASTANA. KAZINFORM — Qazaqstannyń ekinshi, álemniń 97-raketkasy Aleksandr Shevchenko Rolan Garros týrnıriniń irikteý saıysyn jeńispen bastady.

Qazaqstandyq tennısshi irikteý dodasynyń shırek fınalynda reıtıngide 157-oryndaǵy japonııalyq Shıntaro Mochızýkıdi kambekpen tize búktirdi.

Birinshi partııada japonııalyq tennısshi taı-breıkte sátti oınady — 7:6 (7:2).
Budan keıin Shevchenko oıyn tizginin qolǵa ala bildi — 6:2, 6:4.

Eki saǵat 27 mınýtqa sozylǵan tartysty báseke barysynda A.Shevchenko 5 eıspen birge 13 breık-poınttyń jeteýin paıdalandy. Mochızýkı 2 eıs, 4 breıkpen (6 breık-poınt) shekteldi. 

Aleksandr Shevchenko irikteý saıysynyń jartylaı fınalynda reıtıngide 268-satydaǵy frantsııalyq Matıs Erhardpen sheberlik talastyrady. 

Taǵy bir qazaqstandyq, álemniń 230-raketkasy Beıbit Juqaev reıtıngide ózinen úsh saty joǵary turǵan amerıkalyq Zakarı Svaıdaǵa jol berdi — 5:7, 3:6.

Eske sala keteıik, budan buryn Qazaqstan jasóspirimder quramasynyń Devıs kýbogynyń irikteý saıysyn sátti bastaǵanyn jazǵan edik.