Rolan Garros: Pýtıntseva men Danılına juptyq kezdesýlerin sátti ótkizdi

ASTANA. KAZINFORM – Parıjde tennısten ótip jatqan Rolan Garros týrnırinde ıÝlııa Pýtıntseva bir kúnde eki match ótkizdi.

Qazaqstandyq tennısshi aldymen jekeleı synda taıbeılik Djoanna Garlendti joldan taıdyrǵan edi.

Sodan keıin ıÝ.Pýtıntseva juptyq synda kanadalyq Leıla Fernandespen birge rýmynııalyq Monıka Nıkýleský – Polsha ókili Katajına Pıterdi 6:0, 6:2 esebimen oısyrata utty.

ıÝ.Pýtıntseva – L.Fernandes 1/8 fınalǵa shyǵý úshin jarystyń 12-raketkalary, slovakııalyq Tereza Mıhalıkova – ulybrıtanııalyq Olıvııa Nıkollspen talasady.

Sondaı-aq Anna Danılına mıkste fınlıandııalyq Harrı Helıovaaramen birge alǵashqy aınalymda aýstralııalyq Storm Sanders – belgııalyq Sander Jılleni 6:3, 6:4 esebimen tize búktirdi.

Qazaqstandyq-fınlıandııalyq jup shırek fınalǵa shyǵý úshin ulybrıtanııalyqtar Olıvııa Nıkolls – Genrı Pattenmen talasady.

A.Danılına – H.Helıovaara 2023 jyly mıkste AQSh chempıony atanǵan bolatyn.

Beısenbi kúni Rolan Garros jarysynda qazaqstandyqtardan álemniń 103-raketkasy Aleksandr Shevchenko ǵana jeńilis tapty. Ol reıtıngide 106-oryndaǵy amerıkalyq Itan Kýınmen 4 saǵat 18 mınýtqa sozylǵan matchta ese jiberdi – 4:6, 6:4, 7:6 (7:5), 6:7 (3:7), 5:7. Shevchenko 11 eıspen birge 16 breık-poınttyń tek tórteýin paıdalandy. Kýınn 14 eıs, 5 breıkpen (13 breık-poınt) kózge tústi.

Eske sala keteıik, budan buryn Rolan Garros týrnırinde Rybakınanyń úshinshi aınalymda 2017 jylǵy chempıonmen oınaıtynyn jazǵan bolatynbyz.

Rolan Garrosta Aleksandr Býblık sensatsııa jasap, alǵash ret úshinshi aınalymǵa ótti.

Sondaı-aq ıÝlııa Pýtıntseva ekinshi jeńisine qol jetkizdi.