Rolan Garros: Qazaqstan tennısshi qyzdary úzdik úshtikke endi

ASTANA. QazAqparat - Rolan Garros týrnırinde úshinshi aınalymǵa shyqqan tennısshi qyzdar sany jóninen Qazaqstan úzdik úshtikke endi, dep habarlaıdy QazAqparat tilshisi.

Championat.com saıtynan alynǵan málimetke qaraǵanda, Reseı elinen segiz tennısshi: Darıa Kasatkına, Anastasııa Pavlıýchenkova, Anastasııa Potapova, Kamılla Rahımova, Anna Blınkova, Elına Avanesıan, Ekaterına Alekssndrova jáne 16 jastaǵy Mırra Andreeva úshinshi aınalymǵa joldama aldy.

AQSh-tan alty sportshy bar, olardyń arasynda álemniń úshinshi jáne altynshy raketkalary Djessıka Pegýla men Korı Gaýfty aıtýǵa bolady.

Qazaqstannan úshinshi aınalymda eki tennısshi óner kórsetedi. Elena Rybakına erteń ıspanııalyq Sara Sorrıbes-Tormomen, ıÝlııa Pýtıntseva búgin amerıkalyq Sloan Stıvenspen oınaıdy.

Ýkraınadan úshinshi aınalymǵa Elına Svıtolına men Lesıa Tsýrenko shyqty.

Qalǵan elderde bir oıynshydan qaldy. Olardyń arasynda álemniń birinshi jáne ekinshi raketkalary, Polsha ókili Iga Shventek pen belorýssııalyq Arına Sobolenko bar.

Eske sala keteıik, budan buryn Elena Rybakınanyń Rolan Garros týrnıriniń úshinshi aınalymyna shyqqanyn jazǵan bolatynbyz.

Sondaı-aq Anna Danılına juptyq synda Rolan Garros týrnırin jeńispen bastady, al Aleksandr Nedovesov úshinshi aınalymǵa joldama aldy.

Qazaqstandyq tennısshiler AQSh-taǵy jarystyń shırek fınalynda kezdesedi.