Rolan Garros: Elena Rybakına jartylaı fınaldan tys qaldy

PARIJ. KAZINFORM – Qazaqstannyń birinshi, álemniń 4-raketkasy Elena Rybakına Rolan Garros týrnıriniń jartylaı fınalyna shyǵa almady.

Qazaqstandyq tennısshi shırek fınalda álemniń 15-raketkasy, ıtalııalyq ıAsmıne Paolınımen betpe-bet keldi.

Osyǵan deıin qarsylastar úsh ret kezdesse, sonyń ekeýinde Rybakına jeńgen edi. Ótken jyly Rım WTA 1000 jarysynyń 1/32 fınalynda Elena qarsylasyn 7:6 (7:4), 6:1 esebimen utsa, bıyl Shtýtgarttaǵy kezdesý ońaı bolǵan joq. Qazaqstandyq úsh sette ǵana Paolınıdiń meselin qaıyrdy – 6:3, 5:7, 6:3. Bir qyzyǵy, Rybakına ıtalııalyq tennısshini joldan taıdyrǵannan keıin Rımde de, Shtýtgartta da jeńimpaz atanǵan bolatyn.

E.Rybakına 2022 jyly Ýımbldonda top jarsa, ıA.Paolını «Úlken dýlyǵa» dodasynyń shırek fınalyna alǵash ret shyqqan edi.

Bul joly Fılıpp Shatre kortynda ıtalııalyq tennısshi matchty breıkpen bastady – 2:0. Sodan keıin taǵy bir breıkke qol jetkizdi – 6:2.

Paolını ekinshi sette de breıkpen alǵa ketti – 2:1. Budan keıin Rybakına tarazy basyn teńestirip qana qoımaı, partııany aldy - 6:4.

Úshinshi, sheshýshi sette jeńis Paolınıdiń qanjyǵasynda ketti - 6:4.

Eki saǵat 3 mınýtqa sozylǵan báseke barysynda Rybakına 10 eıspen birge 11 breık-poınttyń beseýin paıdalandy. Paolını 1 eıs, 7 breıkpen kózge tústi.

ıA.Paolını fınalǵa shyǵý úshin álemniń 2-raketkasy, Belarýs ókili Arına Sobolenko nemese reıtıngide 38-satydaǵy reseılik, 17 jastaǵy Mırra Andreevanyń qaı jeńgenimen sheberlik talastyrady.

Eske sala keteıik, budan buryn Rolan Garrosta Ámir Omarhanovtyń jasóspirimder arasynda shırek fınalǵa joldama alǵanyn jazǵan bolatynbyz.

Sondaı-aq Dmıtrıı Popko Zagrebte úsh saǵattyq matchta jeńiske jetti.