Rolan Garros: Dmıtrıı Popko úsh saǵatqa sozylǵan kezdesýdi jeńispen aıaqtady

ASTANA. KAZINFORM — Qazaqstandyq, álemniń 164-raketkasy Dmıtrıı Popko Rolan Garros týrnıriniń irikteý saıysynyń jartylaı fınalyna joldama aldy.

Qazaqstandyq tennısshi bastapqy kezdesýin álemdik reıtıngide 222-orynda turǵan týnıstik Azız Dýgazben ótkizdi.

Birinshi partııada Popko taı-breıkte tarazy basyn ózine aýdardy — 7:6 (7:4).

Ekinshisinde Dýgaz ese qaıyrdy — 6:3.

Úshinshi, sheshýshi sette esep 5:4 bolyp, Popko matchqa dop bergenimen, ol múmkindikti múlt jiberdi. Degenmen taı-breıkte jeńisti julyp aldy — 7:6 (10:7).

Úsh saǵat 5 mınýtqa sozylǵan tartysty básekede Popko 2 eıspen birge 7 breık-poınttyń beseýin paıdalandy. Dýgaz 5 eıs, 7 breıkpen (16 breık-poınt) kózge tústi.

Dmıtrıı Popko irikteý dodasynyń fınalyna shyǵý úshin álemniń 118-raketkasy, kolýmbııalyq Danıel Elahı Galanmen talasady. 

Taǵy bir qazaqstandyq, reıtıngide 163-satydaǵy Mıhaıl Kýkýshkın álemniń 270-raketkasy, frantsııalyq Joffrı Blankanodan oısyraı utyldy — 1:6, 1:6.

Qazaqstannyń birinshi, álemniń 51-raketkasy Aleksandr Býblık Gambýrg (Germanııa) ATP 500 týrnırinde alǵashqy aınalymda-aq jarys jolynan shyǵyp qaldy. Ol álemniń 32-raketkasy, 21 jastaǵy frantsııalyq Djovannı Mpetchı Perrıkarǵa ese jiberdi — 6:7 (6:8), 3:6. Bir saǵat 25 mınýtqa sozylǵan kezdesýde Býblık 7 eıspen birge 5 breık-poınttyń bireýin ǵana óz esebine jazdy. Mpetchı Perrıkar 10 eıs, 2 breıkpen (4 breık-poınt) erekshelendi.

Eske sala keteıik, budan buryn Rolan Garrosta Tımofeı Skatovtyń irikteý týrnıriniń jartylaı fınalyna shyqqanyn jazǵan edik.

Devıs kýbogynda Qazaqstan jasóspirimder quramasy Irandy 2:1 esebimen utty.

Elena Rybakına Strasbýrg týrnıriniń shırek fınalyna ótti.