Rolan Garros: Danılına jarystyń 1-raketkasyn jeńip, jartylaı fınalǵa shyqty

ASTANA. KAZINFORM — Qazaqstannyń juptyq syndaǵy birinshi, álemniń 17-raketkasy Anna Danılına Rolan Garros týrnıriniń jartylaı fınalyna joldama aldy.

Qazaqstandyq tennısshi shırek fınalda serbııalyq Aleksandra Krýnıchpen birge «Úlken dýlyǵa» jarysynyń 1-raketkalary, chehııalyq Katerjına Sınıakova – amerıkalyq Teılor Taýnsendke qarsy keldi.

Birinshi partııada qazaqstandyq-serbııalyq dýet 7:5 esebimen basymdylyq tanytty.
Ekinshi sette Sınıakova – Taýnsend ese qaıyrdy – 6:4.

Úshinshi, sheshýshi partııada Danılına – Krýnıch 4:0 esebimen alǵa ketti. Aqyry qazaqstandyq tennısshi matchqa dop bergende, núkte qoıdy – 6:2.

Eki saǵat 28 mınýtqa sozylǵan tartysty matchta qazaqstandyq-serbııalyq jup 13 breık-poınttyń jeteýin múlt jibermedi. Sınıakova – Taýnsend 11 breık-poınttyń beseýin paıdalandy. 

Osylaısha, sensatsııalyq jeńiske qol jetkizgen Anna Danılına – Aleksandra Krýnıch fınalǵa shyǵý úshin norvegııalyq Ýlrıkke Eıkerı - japonııalyq Erı Hodzýmımen talasady. Bul jup shırek fınalda rýmynııalyq Irına Begý – belgııalyq ıAnına Vıkmaıerdi tize búktirdi – 6:4, 6:3.

Eske sala keteıik, budan buryn Shevchenkonyń Chehııadaǵy jarysta jergilikti tennısshiden basym túskenin jazǵan bolatynbyz.