Rolan Garros: Anna Danılına juptyq synda fınalǵa joldama aldy

ASTANA. KAZINFORM — Qazaqstannyń juptyq syndaǵy birinshi, álemniń 17-raketkasy Anna Danılına Rolan Garros týrnıriniń fınalyna shyqty.

Anna Danılına serbııalyq Aleksandra Krýnıchpen birge jartylaı fınalda norvegııalyq Ýlrıkke Eıkerı – japonııalyq Erı Hodzýmımen sońǵy básekeniń joldamasyn sarapqa saldy.

Qazaqstandyq-serbııalyq jup matchty breıkpen bastady – 2:0. Alaıda qarsylastary tarazy basyn teńestirip ketti – 3:3. Sosyn taı-breıkte sátti oınady – 7:6 (7:5). 

Ekinshisinde Danılına - Krýnıch ese qaıyrdy - 6:3.

Úshinshi, sheshýshi partııada jeńisti julyp aldy - 7:5.

Úsh saǵatqa jýyq ýaqytqa sozylǵan tartysty matchta Danılına - Krýnıch 2 eıspen birge 10 breık-poınttyń altaýyn paıdalandy.

Anna Danılına - Aleksandra Krýnıch fınalda osy jarystyń 2-raketkalary, ıtalııalyqtar Sara Erranı – Jasmın Paolını nemese reseılikter Mırra Andreeva – Dıana Shnaıder juptarynyń qaı jeńgenimen kezdesedi. 

Eske sala keteıik, budan buryn Rolan Garrosta Danılınanyń jarystyń 1-raketkasyn jeńip, jartylaı fınalǵa shyqqanyn jazǵan bolatynbyz.