Rolan Garros: Aleksandr Shevchenko irikteý týrnıriniń fınalyna shyqty

ASTANA. KAZINFORM — Qazaqstandyq, álemniń 97-raketkasy Aleksandr Shevchenko Rolan Garros týrnıriniń irikteý saıysynda ekinshi jeńisine qol jetkizdi.

Qazaqstandyq tennısshiniń álemdik reıtıngide 268-satyda turǵan frantsııalyq Matıs Erarmen oıyny asa tartysty ótti.

Birinshi partııada frantsııalyq sportshy basymdylyq tanytty – 6:3. 

Ekinshisinde A.Shevchenko dál sondaı eseppen ese qaıyrdy – 6:3.

Úshinshi, sheshýshi sette Aleksandr taı-breıkte jeńisti julyp aldy – 7:6 (10:5).

Eki saǵat 49 mınýtqa sozylǵan básekede Shevchenko 1 eıspen birge 12 breık-poınttyń teń jartysyn qur jibermedi. Erar 2 eıs, 6 breıkpen (10 breık-poınt) kózge tústi.

Frantsııa ashyq chempıonatynyń negizgi jarysyna shyǵý úshin A.Shevchenko álemniń 155-raketkasy, aýstrııalyq Fılıp Mısolıchpen talasady. Ol otandasy, reıtıngide 183-satydaǵy Lýkas

Noımaıerdi joldan taıdyrdy – 7:6 (7:5), 7:5.

Eske sala keteıik, budan buryn Rolan Garrosta Dmıtrıı Popkonyń úsh saǵatqa sozylǵan kezdesýdi jeńispen aıaqtaǵanyn jazǵan bolatynbyz.