Rolan Garros-2025: Qos qazaqstandyq jasóspirim tennısshi Japonııada ótetin irikteýge joldama aldy

ALMATY. KAZINFORM — Almaty qalasyndaǵy Gorky Tennis Park tennıs ortalyǵynda jasóspirimder arasynda ótip jatqan 2025 jylǵy Rolan Garros týrnırine irikteý saıysynyń fınalyna shyqqan tennısshiler anyqtaldy.

Qazaqstandyqtar Sofııa Isakova men Arsenıı Trebýhın fınalǵa ótip, sonyń nátıjesinde Japonııada ótetin sońǵy irikteý jarysyna joldama aldy.

Qazaqstandyq jartylaı fınalda Borıs Shýsterdiń qos shákirti – S.Isakova men Sátıma Tóregen kezdesti. Sofııa 6:1, 6:1 esebimen jeńiske jetip, erteń sońǵy básekede ırandyq ıAsaman ıAzdanımen sheberlik baıqasady. ıAzdanı taǵy bir qazaqstandyq Albına Kákenovany joldan taıdyrdy – 6:3, 6:3.

Bozbalalar arasynda A.Trebýhın asa tartysty matchta ıordanııalyq Jaber Amırdi tize búktirdi – 6:4, 6:7 (2:7), 6:4. Arsenıı fınalda ózbekstandyq Ahmadjon Toshmuhamedovpen synǵa túsedi.

Osylaısha, sońǵy oıynnyń nátıjesine qaramastan, fınalǵa shyqqan tórt tennısshi Japonııaǵa barady.

Eske sala keteıik, budan buryn Dmıtrıı Popkonyń Kolýmbııadaǵy jarystyń shırek fınalyna shyqqanyn jazǵan edik.

Sondaı-aq, Anna Danılına Toronto týrnıriniń ekinshi aınalymyna ótti.